theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pynkup burom ki bor District ya 3 ngut kiwa da dap 100 snem i rta ha West Jaiñtia Hills

Kam chibynta wow lehkmen ya ka sngi wa da booh kyrpang neibynta kiwa da heh rta namo ka International Day for Older Person kawa man ynnin ka 1 tarik, neiliang ka yung krehkaam u Deputy Commissioner (Election), West Jaiñtia Hills da kynmoo ki ya kani ka sngi deiwa lai pynkup burom ya kiwa da em 80 snem chaneiñ ha waroh ki Polling Station ka District deiwa e kti lang ya ka chithi wow pynyoo yei sñiawngooh wei yei man kordor yong waroh kiwa chong chnong kiwa da heh rta wei ya kani ka chithi toh kawa da thoh da ka Election Commission of India.

Ha kani ka sngi da pynkup burom leh ya le ngut kiwa da dap 100 hapoh ka District kitæ toh u Emmanuel Biam (100 snem) uwa man kam uwa thap Vote ka 19-Mihmyntdu Lumpyrtuh Salini Colony Polling Station hapoh ka 2-Jowai Assembly Constituency uwa da pynkup burom da u B.S. Sohliya, IAS, Deputy Commisioner (Election), West Jaiñtia Hills District.

Advertisement ad1

Ka Thyrngai Dhar (101 snem) kawa man kam kawa thap Vote ka 1-Thadbamon (Section No. 3, Lummuriap) Polling Station wa haap hapoh ka 4-Mowkaiaw Assembly Constituency kawa da pynkup burom da ka D.D. Syngai, MCS & ERO ka 4-Mowkaiaw Assembly Constituency.

Ka Pherly Dan (102 snem) kawa thap Vote ka 37-Moodop Polling Station hapoh ka 1-Nartiang Assembly Constituency wa pynkup burom da u W.K. Kharbuli, MCS & AERO ka 1-Nartiang Assembly Constituency.

Advertisement ad1
Share this:
Previous

Pynkha chnat ka seiñ kiwa kamai Taxi ha Nangbah

Next

Women’s U-19 T20 Trophy: Rem ka Meghalaya ha ka Vidarbha