Ka yung krehkaam u Chief Electoral Officer (CEO), Meghalaya ynne da soi ko yaka soskular Memorandum of Understanding (MoU) wa ka chnat Education ha Shillong hajrong ka thong wow wanrah ya ki Electoral Club ha ki skur wa em ha ka jylla.
U Director ka chnat Education Department, u Swapnil Tembe, da pynskem u yeini deiwa ong wa deiwa wanrah ya ka phang i synchaar paidbah ha i puræ puthi daw ye u sdang ya ki Electoral Club hajrong ka thong wow pynsñiawthooh paidbah ya i emkaam ka rukom synchaar ki paidbah.
Da ong u wa mar kynjoh ki khynnah 18 snem emkaam u yoh ki ya ka Voter ID Card, wei kiwa boon kiwa em 18-19 snem wiar ki nei thap vote tangwa deiwa sdang yeini daw ye u pynku ya i thap Vote ki.
U Chief Electoral Officer (CEO) ka Meghalaya u B.D.R. Tiwari da ong u wa ka Election Commission of India deiwa wan ka Election Lok Sabha 2024 da sdang ko wow krehkaam wa ki chnat puræ puthi yow ye u pynchlur wei wow pynboon ya kiwa thap Vote khamtam deiwa sdang ya ka Electoral Literacy Club ha ki thaw puræ.
Da ong u leh wa daw yarap ya kam kini ki Electoral Literacy Club hanlada man i pyrkhat wa rim neidaw wa dang em na ki khynnah ki wym ye u chimkhia wei wow embynta hei wow jied ya kiwa mihkhmat.
Chooh chooh da ong u wa ini i krehlang ki ar chnat toh wow pynkupburom ya ki khynroo wow embynta ki ha i synchaar paidbah.
Discussion about this post