U Montri Rangbah ka jylla, u Conrad Kongal Sangma da ong u wa ka sorkar ym em thmu ko wow pynkrehkaam da ka Lockdown neibhah wa sñiawthooh ko ya ki paidbah wa emkaam ki yei baam i dih, tangwa wow yada nei yabi næ poor u COVID-19, ka sorkar ym yohsa ko wow khoom u kdoh chwa ya ki kattu katni thaw ka jylla.
Hadien wa ka sorkar da pynbna ko yei khang ya ki bynta ka jylla nadooh mynstep hadooh 10 tarik wow yada nei poor u COVID-19, neiliang ki paidbah da boonkaam ki wow pynbiang yei emkaam ha ki yung ki sem deiwa yaleh katwa ye wow lai thied mar.
Neiliang u Montri Rangbah da ong u wa ini i khang i khoom i kdoh ym pynkhor ware ya ka wei da e laad ya ki kattu katni ki kaam wow lai ki wei da khang ya kiwa ym emkaam ware.
Da ong u wa wow yada nei poor u khñiang chong i ha ki paidbah wow em ki i kitkhlieh deiwa kyntu ya ki paidbah wow yaichah wa ka sorkar ha kini ki 10 sngi.
