Shillong: Ka yalang 1st General Council yong ka Hills State Peoples Democratic Party (HSPDP) East Khasi Hills Branch da pynman ya ka ynne ka sngi ha Dinam Hall, Jaiaw da chim ko ya ka rai wow kreh hajrong i khyndaw i chiap, i ktien thylliej, rukom im yong ki tre jylla ri-loom.
Yeini da pyntip hadien ka yalang da u Martle N. Mukhim uwa jooh man kam u montri warim ka sorkar kamjooh leh u President ka District Committee uwa da pynrap wa kini man ki ki phang wow yada ya ki tre jylla.
Da ong u leh wa ka General Council pynyoo ko yei khlan ka Party ha ka District wei da thung leh ya kiwa kitkaam ka District Executive Committee, District Women’s Wing wa ka District Youth Wing.
Heiyatoh wa ka Election MDC ka wow wan poi snem, u Mukhim da ong u wa ka Party u kreh ko dei bor dei thmu wow jop ha waroh ki thaw.
Ha ka Election MDC wa dadep ka Party da jop ko du 7 thaw wei ha kani ka kynti yooluti hadooh 10 thaw.
Kiwa kitkaam ka District Executive Committee kynthup ko ya u M.N. Mukhim – President, October Jyrwa wa u S. Mawlong – Vice president, CB Ryntathiang – General Ssecretary, Bluestar Mukhim – Joint Secretary wa u Rodson Warjri – Treasurer.
Ka District Women’s Wing – Agnes Kharsahnoh President, Bitalis Warjri wa ka Sony Kharhana – Vice President, Aisilin Tangsang – Joint secretary, Samlin Malngiang MLA/MDC – Adviser.
Kiwa kitkaam ka District Youth Wing kynthup ki ya u Sandondor Ryntathiang, Bhaling Mawkhiew, Bornstarfield Marbaniang, wa kiwi kiwi.
Discussion about this post