Wym biang ki yaw, boon ki mar rep da dai kamwa dai jhoor sniang: Charles Marngar

Shillong: U Chief Executive Member (CEM) ka Khasi Hills Autonomous District Council, ynne ka sngi da ong u wa ka Council da chimkhia ko wow booh ya ka yaw dailang wa chipor neibynta ki warep hapoh ki Parking Lot ka MUDA wa ka Shillong Municipal Board, khnang wa ki warep ym chah ktah ki na i khang ya ka yaw dailang ha Iewduh neidaw ka khlam COVID-19.

Ya ini, u CEM da ong u hawa jubab yeiwa kylli u MDC ka Mawhati, u Charles Marngar yeiwa da pynrap kylli leh da kiwi ki MDC ka liang pyrchah.

Chwa ini neiliang u MDC ka Mawhati da ong u, neidaw wa khang chnong ki warep chem chitom ki wot hadooh wow poi u pood wa hap tyrwa ki ya ki mar yong ki kamwa tyrwa jhoor sniang. Da kyntu u leh ya ka ka Executive Committee wow pynbait wa ki bor pynlai ki District khnang wa ki mar rep ym kylla ki kam ki mar baam sniang.

Da ong u wa ka KHADC toh u pynbait ko ya ki yaw neibynta ki warep, neibhah hadien wa da khang yaka yaw dailang ha Iewduh ymyoh laad de wow pynlai yaki mar rep yong ki, hanlada ka sorkar da pynbna ko wa da booh ko yaki thaw dailang ha Mawiong tangwa ym em krehkaam bha ko.

Related posts

Kyrchaan u Piwell Shylla ya u Wailad Siangshai ha kani ka Election MDC

January 20, 2025

Da khylliap ya ka Nartiang Congress Unit

January 20, 2025

Heiyatoh wa ini, neiliang ka Executive Member wa pait ya ki yaw, ka Grace M Kharpuri da ong ko wa ka Council sñiawkhia ko yeini deiwa pynrap leh wa i tipmit ya ki yaw dailang toh da ka sorkar jylla.

Hawa pynche yeini, u CEM da ong u wa ka yaw toh ka bynta ka KHADC wei ka Council em ko ki bor wow wai ya ki yaw deiwa pynbait lang wa kiwa synchaar chnong, da pynrap chooh chooh u wa ka sorkar leh chwa wow tipmit ya ki yaw dailang wa chipor da khut ko yaka Council wow syllok yeini.

Hajrong i chah iehbeiñ ki warep, da pyntip u wa da khut ya u Syiem ka Hima Mylliem wa ya ki seiñ warep wow pyrkhat yeini wei wow pynsñiaw yeijooh cha ka sorkar wow elaad noh wow wai yaka yaw dailang wa em ha Iewduh, tangwa hadien wa da sylli da chem wa katai ka thaw man ko kawa khynñia wei ymye wow bood ya ki kyndon ka chnat i chait i khiah, hadien won da e yumut ya ka sorkar wow wai noh ya ka yaw dailang cha kiwi ki thaw wei da tipmit ya 2 tylli ki thaw ha Parking ka MUDA wa Municipal.