December 8, 2022
Ki paidbah wa chong ha ki thaaiñ khappood nadooh na Mukroh, Psiar wa kiwi kiwi kwah ki wow em ki pulit ka jylla pyn ha u pood ka jylla wa ka Assam khnang wow wanrah yei chong chngaaiñ.
Ynne ka sngi hawa kylli na u Symbood Montri Rangbah ka jylla, u Prestone Tynsong hawa wan u ha Jowai yei daw wa randien ka jylla wow booh pulit pyn ha khappood (Zero Point), u Prestone da ong u wa da rai wow em ka BOP ha ki thaw wa synjor (Sensitive).
Da ong u wa hawa booh ya ka BOP, kani daw pait ko ya waroh ki chnong wa em heitu hapoh u pood wa da mang ya ka BOP.
Heiyatoh wa i rukom booh ya ki pulit won da ong u wa chong i ha i pynbait lang wa ka sorkar wa ki chnong.
