U MLA ka BJP kamjooh u Montri sorkar, u Alexander Laloo Hek hawa yaklam wa kiwa thoh khubor ynne ka sngi da pyntip u wa da dep u wow yachem wa u Montri Rangbah ka Meghalaya, u Conrad K Sangma yow yaklam hajrong ka Roster System wa kiwi de ki phang.
Da pyntip u leh wa daw khut ya waroh kiwa em hapoh ka sorkar MDA ha ka tayaw wa ar u bnai wow wan yow yaklam hajrong ka Roster wa kiwi de ki kaam. U Hek da ong u leh wa hei sñiaw yong oo samen toh u pynkrehkaam ya ka Roster System neini chakhmat ymtoh deiwa kheiñ nadooh i warim.
U Hek da sñiaw u leh wa da emkaam wow pait deiwi yei rukom krehkaam ka Reservation Policy wei toh leh u em i yaklam wa sani bha deiwa khut lang ya waroh.
U Hek da pyntip u leh wa ka BJP da dep thung ko ya ka Committee ka Party yow yaklam hajrong ini i kaam deiwa emlang u MLA warim, u HM Shangpliang kam u Convener wa kiwi de kam ki dkhot kiwa kynthup ya u MLA ka Party, u Sanbor Shullai deilang wa u AL Hek, u President ka Party, u Ernest Mawrie, uwa e ktien ka BJP, u M. Kharkrang, kiwa e buit heiyatoh wa ka aiñ wa kyntup ya u Vivan G Kynta wa u SP Mahanta wa arngut won kiwa yahkhmat ka Party na Garo Hills kiwa kynthup ya u Edmund K Sangma waka MLA warim, ka Ferlin CA Sangma.
