U Symbood Montri Rangbah ka jylla wa pait ya ka chnat Kaam Pohyung (Police), u Prestone Tynsong da khana u wa da phah ya ki pulit wow pynsmat ki yei takit hajrong i chah siat yap u Roning Nongkynrih ha ki chipai BSF, iwa da jia ynnin i miet ka 5 tarik ha chnong Mawshun kawa em ha wah ka Pynursla.
Hawa kylli, u Prestone da ong u wa ya katni ym pu nood wow ong iyi iyi leh hajrong i kem ya u BSF wa emkti ha itai i kaam wow siat bru, tangwa ka takit da lai ko wei ya kiwa leh leh bakla daw pynchitom katkam ka aiñ.
Kam wow pynkynmoo wa kiwa ha-yung u Roning da dep ki wow ujor FIR ha ki pulit ka Pynursla heiyatoh wa ini wa jia.
