Ya ki pyrtuid ki kyrtong Congress daw bichaar da ka Screening Committee ka party: Dr. CP Joshi

Shillong: U General Secretary ka AICC uwa pait ya ka Meghalaya u Dr. CP Joshi da ong u wa ya ki pyrtuid ki kyrtong ka Congress daw pynlait da ka AICC hadien wa dadep pynbiang nadong chadong.

U Joshi da wan u cha ka nongbah Shillong wow bichaar ya i lai ki kaam yong ka Party neibynta ka Election wei da ong u wa ym ye u klam chaphang i e Ticket wei chong ko ha ka AICC donhi.

Da ong u wa ya ki pyrtuid daw bichaar da ka Screening Committee wei daw pdiang won sa ka Central Election Committee chwa wow pynlait ya ki.

U Joshi da pyntip u wa ka Party da bichaar ko ya kiwa paan Ticket wei da phah ko ya ki waroh cha ka AICC.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Heijooh i por, u Joshi da pynhaap u ya ka BJP deiwa ong wa ka BJP ym em thaw ko ha kani ka jylla neibhah wa ki yurim yong ka man ki ki wym ye u pdiang ki paidbah ka Meghalaya.

Da ong u wa ha kani ka yakhun ka Congress daw leh ko kamwa jooh leh hi ko ha ka Election wa dadep wei daw chna biang ko ya ka sorkar hadien ka Election.

Ka Congress daw yakhun ko ha waroh 60 tylli ki Constituency ha ka jylla wei da em 90 ngut kiwa paan Ticket hadooh katni wei u Dr Mukul Sangma da paan Ticket wow yakhun na ki ar tylli ki Constituency na Ampati wa Songsak.

U Montri Rangbah ka jylla, u Dr. Mukul Sangma da ong u wa ka thong yong ka Congress ha kani ka kynti toh wow jop 35 ngut yow chna sorkar samen.

Da ong u wa i yakhun na ki ar tylli ki Constituency ym ktah ko wei ka daw man ko kam wow bhah bha ya i por.

Ha kawi ka liang u Dr. Mukul da beiñ joor u ya ka sorkar BJP khamtam ya u Montri Rangbahdooh ka ri u Narendra Modi uwa thmu wow pyntlot ya ka sñiaw yatoh ki sorkar jylla wa ka sorkar pyrdi kamwa da em ha ka riti synchaar ka ri.

Da pynbaad u wa ka BJP thmu ko wow pynsih dur ya ka mynsien ka synchaar paidbah ha ka ri wei da wanrah ko da ka rukom wow pynpoi ya ka kaam baamtooh ha ka saiñ pyrthai deiwa thied ya ki MLA na kiwi ki party kamwa jia ha Manipur.

Da ong u wa ka BJP kawa yalap paidbah pyrchah ya ka baamtooh da leh ko mar dei khangtleiñ.

Da syllaad u ya u Modi wa heipor wa man u Montri Rangbah ka Gujarat, oo man u uwi na kiwa jooh khlam yei thmu wow pyntlot yei bor ki sorkar jylla tangwa katni won hawa man u kam u Montri Rangbahdooh ka ri da leh u mar cha wa yoo wow pyntlot bor ya ki sorkar jylla deiwa kynreh ya ka syrdoh ka riti synshar ka ri.

U Dr. Mukul da ong u wa kini ki bru daw pynjæd ki ya ka mynried wei emkaam ki u e jubab ya ki paidbah.

Da ong u wa i yakhun yong ki paidbah wow yoh ya ka jylla toh katkam ka riti synchaar tangwa ka BJP ka pyrchang ko wow pynjngut ya kani ka mynsien ka riti synchaar ka ri.