U Union Health Secretary, u Rajesh Bhushan, da pynlai u ya ka Workshop wa pynman lyngba ka Video Conference (VC) ynne ka sngi deilang wa waroh ki jylla wa ki UT yow booddien yei pynkhreh yei e tika ya kitu kiwa da em 15-18 i rta waka tika pynkhlan kawa man leh ka 3rd Dose ya kitu kiwa em hei maa kam ki Healthcare Workers (HCW), Frontline Workers (FLW) wa kiwa em 60+ i rta kiwa da em chwa i chitom.
Kamwa da pynbna u Prime Minister Narendra Modi ha ka 25 tarik uni u bnai, i e tika ya kiwa em 15-18 snem i rta u sdang ko nadooh ka 3 tarik uni u snem thymme katwa ya ka 3rd Dose won ha ka 10 tarik u snem thymme heiwa ya ki kyndon da pynmih da ka Ministry of Health and Family Welfare ha ka 27 tarik uni u bnai.
Heiyatoh wa kiwa 15-18 i rta, u Union Health Secretary da pyntip u wow pynemkaam du da i ‘Covaxin’ i tika wa pynmih hapoh India hi. Wei ya kini daw phah cha ki jylla ha ki sngi wow wan wei kitu kiwa kwah wow yoh myntoi ye ki wow Register ha ka Co-WIN Website nadooh ka 1 tarik u snem thymme wei ye ki leh wow lai bait cha i thaw e tika. Ini toh ya kiwa kiwa da kha ha u snem 2007 lane chwa, ye ki wow leh yeini. Ya i tika wa ar ye wow chim hadien 28 sngi wa chim yei tika wa nyngkong.
Da pyntip wa ki jylla ye ki wow booh da i thaw e tika namo ki COVID Vaccination Center (CVC) du neibynta kiwa 15-18 snem i rta.
Heiyatoh wa i e tika pynkhlan, da ong wa emkaam wow tam 9 bnai (39 tayaw) nadooh wa chim yei tika wa ar wei ym emkaam wow rah ya ka Certificate na ki Doctor wow pynyoo wa em yei chitom.
