I pynyoo bor hapyrdi ki BSF wa BGB da jia i ha khappood India-Bangladesh ha South West Garo Hills District ka jylla hadien wa ki bor Bangladesh da kyntait ki wow pdiang ya u bru yong ki uwa da psiah tooh cha India wei uwa da chah ksoh ha ki chipai ka BSF heiwa da neh uni u bru hapyrdi u pood ki ar ri.
Ini da jia i ha Nandirchar Sector hajan Mahendraganj, heiwa ki chipai Border Security Force (BSF) wa Border Guard Bangladesh (BGB) da pynyoo ñia ki hajrong i man tre ri uni u bru.
Ki BSF da ong ki wa uni u bru toh u Sati Rajbanshi (55 snem) na chnong Chalna ha Rajshahi District ka Bangladesh wei da psiah tooh u cha India na khappood ka Meghalaya chwa wow chah kem ha ki BSF.
Heipor wa pynuiñ ya oo, ki bor Bangladesh da kyntait ki wow pdiang oo wei heini da mih i pynyoobor wei pynyoo ñia wa joor.
Ki BSF da ong ki wa u Rajbanshi toh u Bangladeshi wei da ieh ya oo ha khappood neibhah ym em wa bien wow pdiang ya oo.
Discussion about this post