Uwi u tymmen da chah dat u ha uwa kamai Auto du neidaw wa pyrchah yei mynthu uwa yah Auto ha sarok hajan ka Jupiter Hospital, Cadbury Junction ha Thane Mumbai ha i janmiet ka 8 tarik uni u bani.
Heiyatoh wa ini u Deputy Chief Minister ka Maharashtra, u Eknath Shinde da phah u ya ki pulit lada ye u pynngat ya uwa kamai Auto ha ki kyndon tynyap bru.
Ini waroh da jia i katwa u tymmen wa ka kurim u dang lai luti ki najan ka Hospital heiwa uwa kamai Auto da mynthu u ha sarok wei manda pyrchah u tymmen yeini, da sdang u oo u dat hadooh wa chitom ka kjat u. Ha iwi i bynta uni uwa yah Auto da jied u da u moo na sarok yow dat ya uni u tymmen tangwa deiwa wan pynran ki bru da haap noh uni u moo na kti u.
Ki Video na ini i jia da poor bha ki ha Social Media, heiwa da yoo ya uwa kamai Auto da sdang u wow mai, u tim sih wei jrongkti ya uni u tymmen.
Hadien ini ki dkhot ka Shiv Sena wa MNS da thooh ki oo uni uwa kamai Auto heiwa da thaap wei da e kti ki oo ha ki pulit ka Vartak Nagar Police Station.
U Shinde, uwa em ha Delhi, mar yoo u yei Video da yaklam u wa u Thane Police Commissioner, u Ashutosh Dumbre, wow phah takit wei wow thooh laad lada ye u pynngat ya uwa kamai Auto ha ki kyndon thmu tynyap bru.
U heh ka MNS u Avinash Jadhav da dawa u na ki pulit wow Register ya ka Case wei wow pynngat ya uwa kamai Auto ha ki kyndon thmu tynyap bru.
Discussion about this post