Ya syllaad u Conrad wa u Dr. Mukul hajrong ka phang wa wanrah ka Miani

Shillong: U Montri Rangbah ka jylla u Conrad K Sangma wa uwa yahkhmat ka liang pyrchah u Dr. Mukul Sangma ynne ka sngi da joor ka yañia hapyrdi yong ki ha ka dorbar chna aiñ hadien wa yaklam ya ka phang wa wanrah da ka MLA ka Ampati ka Miani D Shira, kawa man leh ka khon u Dr. Mukul Sangma, kawa da dawa na ka yung dorbar wow chim noh ka rai wow dawa na ka sorkar pyrdi wow dawa pynkylla ya ka kyndon wa elaad ya kiwa na baar wow yoh kreh ki ha ka Meghalaya Rural Bank.

Hadien wa chah syllaad ha ki dkhot ka liang pyrchah, u Conrad u da sngah kylla u ya ka sorkar warim wa yahkhmat da u Dr. Mukul Sangma kawa ym em chimkhia wow dawa na ka sorkar pyrdi wow pynsangeh ya i elaad ya kiwa na baar wow yakhun kreh ki ha ka Meghalaya Rural Bank neibhah ini waroh da jia i ha ka sorkar kawa yahkhmat da ka liang pyrchah katni.

Da ong u wa i pynkylla ya ka kyndon da leh da ka sorkar pyrdi ha ka 29 tarik Wisu, 2017 heipor wa ka sorkar warim dang em ko heibor, neiyi i daw ym em pyrchah ko yeini ha kitu ki por.

Hapyrdi i yañia yong ki da pyndait thah da u Charles Pyngrope uwa da ong wa u ka yañia ymtoh wow pynyoo yei chit khlieh. Da ong u wa oo da heh rta u ya u Conrad K Sangma wa ya Dr. Mukul Sangma, wei da e yumut u wow ap ki yeiwa ong u wow man kiwa jai jai.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Ka Miani kawa da wanrah ya kani ka phang, da pyndam noh ko rap hadien wei da ong ko wa ka tnat Finance ka sorkar pyrdi da pynkylla ko ya ka kyndon yong ka Regional Rural Bank Act 1976, kawa da thap lang ha ka kyndon wa ki bru na baar kiwa ymtip ya ka ktien ki bru yong kawon kawon ka thaw toh u chah hikai ki biang ki sa 6 bnai wei kani ka kyndon da ktah ko ya ki bru yong kani ka jylla, heiwa da wan pynpsiah lang ya kiwi wow psiah ya ki baar jylla.