Ya tyrrah ka rel kit bru wa ka rel kit mar, mynsoo 19 ngut

Ka rel wa kit bru da tyrrah ko ya kawi ka rel wa kit mar kawa dang sangeh ynnin i miet heipor kamwa 8:30 ha Tamil Nadu. Kani ka rel da toh lai ko na luti wa bakla heithaw ka luti wa toh u lai ko heiwa da kylla kamwa 12 tylli ki Coach wei da em boon ki bru wa mynsoo wei da kop diñ leh kawi ka Coach.

Kani ka rel wa em Number 12578 toh kawa tip kam ka Mysuru–Darbhanga Bagmati Express, da tyrrah ko ya ka rel wa kti mar ha Kavaraippettai Railway Station wa em ha Tiruvallur District hajan Chennai.

Ki bru wa em hapoh ka rel toh 1,360 ngut wei na kini da em 19 ngut kiwa mynsoo heiwa soo ngut da mynsoo joor ki wei kamwa man kattæ ym em wa yap.

Ya ki wym em mynsoo da pynkhreh da kawi ka rel wa kyrpang heipor kamwa 04:45 ynne i step yow kit ki chei thaw wa toh u lai ki.

Related posts

Wai u Modi ya ka luti rel wa ka yingkieñ wa jrong dooh hei dor wa Rs. 43,780 klur

June 7, 2025

Yachem ka BJP Mahila Morcha ya ka heh ka NCW heiyatoh wa iwa jia ha MCH Hospital, Jowai

June 7, 2025

Katkam ka takit, kani ka rel toh kawa lai cheiliang Gudur wei daw hiar ko cha Andhra Pradesh tangwa manda poi ha ka Kavaraippettai Station, da em chwa ka rel wa kit mar kawa lai leh cha Gudur hi wei ya kani da booh cha rood deiwa phah lai lyngba u Loop Line yow lai chwa ko da ka rel wa kit bru neibhah ymtoh u sangeh ko ha in i Station.

Kani ka rel wa kit bru da toh u lai ko na u Main Line tangwa wot hadien wa da e Signal yow lai ko na u Main Line, kani ka rel da psiah ko na u Loop Line wei da tyrrah ko ya kani ka rel kit mar nadien.