Jowai : Ka Jaintia Students’ Union (JSU) Mynso Unit hapoh i yahkhmat u President, u Layerson War wa u General Secretary, u Emnusip Mynso dei sñiawkhia hajrong wa duna ki dawai dachin wei wymbiang ki nongkreh yong ka PHC Mynso da lai yachem biang ki ya u District Medical & Health Officer, Dr. I. Tongper wow pynkynmoo hajrong kini ki eh kiwa ki paidbah yong ka chnong wa ka thaaiñ hi waroh kawi yatyngkhooh ki neipor cheipor.
Ha kani ka lai yachem neiliang ka JSU Mynso Unit da ban joor ko ya u DM&HO wow chimkhia wow pynbiang ya kiwa emkaam hapoh kani ka PHC kitæ nadooh ki dawai dachin wa kiwi kiwi khamtam heiliang ki nongkreh nadooh ki Doctor wa ki staff nurse.
Ki nongyalam yong ka Union da ban ki ha u DM& HO wow phah ya ki nongkreh yong kani ka PHC wow wan ki heipor wa biang heijooh i por da dawa leh wow sah noh ki nonhkreh hapoh kani ka PHC khnang wa ki paidbah wa emkaam yarap jhan u yoh yarap ki heiwon iwon i por.
“Kani man ko ka sien kawa ar wa lai yachem i ya u DM&HO hajrong kani ka jooh hi ka kaam wei kyrmen i wa daw ap wei daw kreh u yeini i kyrpad i neibhah kani man ko ka wow myntoi ya waroh” da ong u General Secretary ka JSU Mynso Unit u Emnusip Mynso.
Discussion about this post