Kiwa yahkhmat ka BJP wa kynthup ya u State President, u Rikman G Momin wa u National President ka NPP, u Conrad K Sangma kiwa em hapoh ka NDA da yachem ki ha Tura ynnin ka sngi yow yaklam yei ya krehlang yow pynjop yaka Agatha Sangma na Tura Parliamentary Constituency.
Ini da man i i sien wa ar wa da yachem kini ki heh kini ki ar Party hadien wa dep pynman kawi ha Shillong ini wa dep.
U Conrad hawa e yei klam da pynkynmoo u yei yajan wa u Prime Minister, iwa kattu da jan dap 10 snem wei da yaroh u leh ya u Rikman yei kreh chitom yow pynjop ya ka NDA.
Ha kani ka yalang da em leh ki MDC ka BJP, u Bernard Marak wa u Benedict Marak deiwa emlang palat 300 ngut kiwa yahkhmat wa kiwa kreh ka Party heiwa ka BJP da ong ko wa ym em itæ i khñium næ i chrai kiwa kreh ka BJP ha Shillong wa Tura Constituency.
U Rikman da kyntait u yei mih khubor wa yoh MDC ka BJP toh yow e kyrchaan yaka Agatha ha kani ka Election. “Yei rai ki heh ka Party wow kyrchaan ya ki kyrtong ka NDA, neiliang kiwa kreh ka Party ym pyrkhat ki wow pyrchah wei man ki kiwa ryntih yow kyrchaan ya kiwa yahkhmat ki.”
Neiliang uwa e ktien ka BJP, u Mariahom Kharkrang da beiñ u yei klam uwa yahkhmat ka TMC, u Mukul Sangma uwa da pynbaad wa u kyrtong ka Congress, u Vincent Pala toh uwa da sooh buit yow krehlang ka BJP-NPP-Congress ha Meghalaya. “I ka BJP ha Meghalaya kyrchaan i ya ka NPP kawa man ka lok hapoh ka NDA wei ini iwa ong u toh i wym ye u man.”
Discussion about this post