theme-sticky-logo-alt
theme-logo-alt
Advertisement ad1
Advertisement ad1

Yachem ka Committee pynbait pood, daw hiar lai pait ha ka 4 tarik

Ka sorkar jylla ha ka tayaw wa da dep da chna ko ya ka Regional Committee wow tih bniah yei long i man yong ki thaw ha khappood wa ka jylla Assam, ya kani ka Committee da chna ha ki le tylli ki bynta, wow khlieh da ki Montri yong ka sorkar kitæ ha West Khasi Hills u Renikton L Tongkhar wa u Brolding Nongsiej, ha Ri-Bhoi da u Prestone Tynsong wa u Dasakhiatbha Lamare, katwa ha Jaiñtia Hills da u Lahkmen Rymbui wa u Sniawbhalang Dhar deiwa em ki dkhot da ki MLA wa ki MDC yong kitu ki thaw wa chah ktah wa kiwi won kiwa embynta lang.

Ynne ka sngi kani ka Committee da chong ya ka yalang wow pyrkhat kammon wow lai chakhmat wa i thmu wow pynbait ya u pood u ang wa ka jylla Assam. Hawa klam wa ki laad pathai khubor, u Montri ka chnat PHE uwa man leh u MLA ka Mawkyrwat, u Renikton L Tongkhar, da pyntip u wa ka Committee yong ka West Khasi Hills daw lai pait ko ha ka 4 tarik uni u bnai ya ki thaw wa chah ktah, wei hadien kani daw pynkhreh wow e ya ka bui (Report) cha u Montri Rangbah ha ka 5 tarik wow yoh u pynsñiaw ha ka yalang wa u Montri Rangbah ka Assam, ka wow man ha ka 6 tarik uni u bnai ha Guwahati.

Da ong u wa i pynbait ya u pood man ko kawa emkaam ya ka sorkar wow pynchlur ya ki paidbah ha khappood wow pynpsiah pyrtuid næ Register ya ki thaw wa ka sorkar, tangwa da ong wa ya katni i yaklam wow pynbait ya u pood u ang da lai ko wei daw ap leh yeiwa mih na i yaklam. Da pyntip u wa da yaklam leh wa u Montri Rangbah ka jylla, u Conrad K Sangma hawa yatoh wa i ood ki paidbah yei syad ka bai Stamp wow Register ya ki thaw, iwa da pynman ya kiwa chong chnong wow kiar nei pynpsiah pyrtuid.

Ha iwi won i liang, u Tongkhar uwa man leh u General Secretary ka HSPDP, da ong u wa man iwa emkaam wow em noh yeitæ i e i chim thaw mar kylliang neibynta wow pynbait ya u pood u ang, hawa pynsñiaw leh yei yooluti wa ka Assam kam ka payu waheh yong waroh ki jylla ka Northeast daw pynyoo ko yei man sbun hawa ya e mar kylliang.

Share this:
Previous

Ym em yaroh O yeiwa ong u MP ka Mizoram wow pynyap ya waroh: Sanbor Shullai

Next

Wot hadien soo bnai ympu yoo ya i thaw noh jhep wa thymme ka JMB: Andrew Shullai