Yachem ka FKJGP JH wa ka Ampareen heiyatoh wa ka JMB

Shillong : Ka seiñ FKJGP Jaiñtia Hills chirup wa kiwa kreh ka FKJGP Central Body ynnin ka sngi da lai yachem ki wa ka Montri wa pait ya ka Tnat Urban Affair ka kong Ampareen Lyngdoh ha ka Office krehkaam yong ka ha Secretariat.

Ha kani ka yachem da yaklam neibynta i eh wa tyngkhooh ka Jowai Municipal Board heiwa da kyrpad na ka Sorkar wow pynkreh noh ya ka Solid Waste Management Project katkam ka juk wa katni lyngba ka Scientific Method ha ka chnong Sabah Muswang neibhah waroh chi kattu da noh yei jhep ha i thaw ka District Council.

Heiyatoh weini neiliang ka kong Ampareen da ong ko wada pynkhreh lut ko wei dang yang sa kamwa chi bnai wow yoh yarap poisa na ka Swach Bharat Mission.

Heijooh i por ka seiñ da kyntu ko na ka sorkar yow pait yei eh i khoo wa tyngkhooh kiwa kreh ka JMB kiwa da dooh tulop kattu da ki bnai khnang wa i kreh ha kani ka Board yow man i iwa lai bait neibynta i khooid i jngiar ka chnong ka thaw.