15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yachem ka HPWU ya u Conrad wow dawa wow wai biang ya ka Oil Storage Depot ha Umiam

0 Comments
Advertisement ad1
Advertisement ad1

Shillong: Deilang wa i dawa wow wai biang ya ka Oil Storage Depot ha chnong Pyllun, Umiam, ka Hynñiewtrep Petroleum Workers Union (HPWU) hapoh i yahkhmat u President yong ka, u A. Diengdoh da lai ki wow yachem ya u montri rangbah ka jylla, u Conrad K Sangma ynne ka sngi ha kamra krehkaam yong oo ha Secretariat, Shillong.

Hawa yaklam wa kiwa pathai khubor hadien wa yachem ki wa u Conrad, u Diengdoh da ong u, “Ka phang kawa yaklam toh wow wai biang hadien wa da khang noh ya ka thaw pyllang phniang namo ka Oil Storage Depot ha Pyllun, Umiam ya kawa da wai ha u snem 1992 wei da khang noh ha u snem 2009”.

Advertisement ad1

“Ini ym man i iwa eh ya ka jylla wei ha kani ka Depot toh kawa ye u pyllang ya ka Petrol, Diesel wa i phniang charak. Da man ko kawa eh kamwa da yoo yeiwa jia ha u bnai Wisu ha Assam ym em pyllait phniang ko neidaw wa chah rahbor uwi uwa yah truck kit phniang wei heipor wa em i chah siat uwi uwa kreh Petrol Pump ha Tura,” da ong u Diengdoh.

Chooh chooh da ong u “Ini i wai biang ya kani ka Depot daw yarap ko ya ki paidbah neibhah ka jylla ka pynemkaam ko ya i phniang ha ka lai ka wan wei i pynemkaam i da ki kari wa ki sarok, i sñiaw i wa katai ka Depot emkaam u em ko yow lait na i duna phniang wei da ban joor i ya u montri rangbah wow booh leh saka Bottling Plant.”

Heijooh i por da ong u wa kamwa man katni i da kyrchaan ya i naka Assam wow yoh phniang wei kiwa li thooh phniang em ki por da haap yang ki da ki sngi ha Assam wow yoh phniang iwa man iwa eh bha.

Da ong u leh wa u montri rangbah da kular u wow yaklam waka sorkar pyrdi kamjooh waka tnat Petroleum.

Kani ka Depot em ko 9 tylli ki tank heiwa 3 tylli toh neibynta Petrol, 3 tylli neibynta ka Diesel wa le tylli neibynta i phniang charak wei kawi ka tank ye ko u ksoh hadooh 10,000 kilolitre i phniang.

Share this:
Previous

Daw yakhun MDC u Piwell Shylla na 5- Musniang Rngad Constituency

Next

Lehwarom ka PBFA ya ka sngi yada Rymaw ha Mowkaiaw