Jowai: U Piwell Shylla na chnong Moolang uwa man uwi na ki khynroo uwa kreh neibynta i bha i miat ki paidbah, daw yakhun u ya ka MDC na ka 5- Musniang Rngad Constituency, neibynta wow wanrah yei bha i miat ki paidbah wei kamjooh wow yada ya ka jaitbru na iwon iwon i chah thombor.
U Piwell toh uwa da e mi stat i tip wei da jooh kreh u neibynta ki kaam pynroi ha ka imlang sahlang hapoh ka thaiñ.
Neiliang u Piwell da paan u yei kyrchaan na ki paidbah kani ka thaiñ wow yoh u yei jop khnang wow ye u u chakri ya ki paidbah katkam i thmu wa bha yong oo neibynta ka jaitbru hi waroh kawi.
Da ong u wa oo diaw u hadooh kattæ kattæ wa bun na ki MDC ka ri-loom Jaiñtia ym jooh klam ki hapoh ka Yung Dorbar Chna Aiñ ka District Council kamtæ neiliang uni u khynroo lada wan u ha ka thong da kular u wow yasait neibynta ka hok yong ki paidbah hapoh ka District Council.
Discussion about this post