Ka JSU Shillong Circle, JSU Laskeiñ Block Circle deilang waka JSU Mynso Unit da lai yachem ki ya u Block Development Officer (BDO) ka Laskeiñ Block ynnin ka sngi neibynta ka Scheme kreh 100 sngi neidaw wym ye u saam yaka bai nongsngi yong kiwa em Job Card deiwa phah yaka poisa cha ka Bank Account kiwa yoh myntoi.
Ka JSU Mynso Unit lyngba u President u Marphilous Lamin wa u Pynhunmi Chen uwa man u General Secretary da e ki dei thoh ha u BDO wow dawa wa toh u pynkrehkaam yei su yaka poisa deiwa pynpoi bait cha ki Bank Account yong kiwa em Job Card yow lait u mih ki kynrum kynram hawa yatoh wa i saam poisa ha ka chnong Mynso A wa Mynso B.
Ka seiñ da ong ko leh wa i saam poisa lyngba ki Bank Account toh iwa phah daka sorkar pyrdi yow lait na iwon iwon i baam tooh yaka poisa ki wakreh 100 sngi.
Hadien i yachem, u BDO da mynjur u wow phah noh da i thoh cha ka chnong wa ya i saam poisa daw lai ko lyngba ka Bank Account yong ki wakreh 100 sngi. Ka seiñ da ong ko leh wa toh u pynku noh yaka bai nongsngi neibhah hadooh kattæ i su man ko kawa duna.
Discussion about this post