15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Saam u Wailadmiki da ki Pump siat dawai cha waroh ki chnong hapoh ka Constituency yong oo

0 Comments

Hadien wa kamwa 2 bnai i lai luti wow yakhun pyrchah ya u khñiang kjut COVID-19 haka jylla waka ri hi waroh kawi deiwa thooh ki bor sorkar ya chiboon ki laad ki luti wow yada ya ki paidbah deilang i krehkam ka Lockdown, kamtæ chibynta kani ka thong, u MLA ka 2-Jowai Constituency u Wailadmiki Shylla ynne ka sngi da chim u ka laad wow saam yaki Pump sait dawai, ki Mask, ki sapkti cha waroh ki chnong wa haap hapoh ka Constituency yong oo haka yalang wada pynman ha Chutwakhu Indoor Sport Hall, Jowai.

U Wailadmiki Shylla hei klam yong oo da ong u wa hadien ka Lockdown wow yakhun pyrchah yow khñiang COVID-19,  da yoo wa boon kiwa chem jynjar heiliang i baam i dih kamtæ heiyatoh wa ini katwa joh wa jam i bor yong oo da dep e yarap u. Tangwa kat dang lai i por sñiawthooh wa uni u khñiang wym ye u wow kut syndet, wei i ki bru leh wym ye i u dam wow li khih li khan u lai u wan ya poi i yap neiwa dooh baam na uni u khñiang.

Advertisement ad1

Katwa kamtæ pyrkhat u wa emkaam bha jar jiar i bah khlieh neibynta i khooid i jngiar wei u man kiwa syndong, neibhah dang ini wa dep wada e kti haki bor ka Municipal Board wow lai siat dawai cha kylleiñ ki yaw ki dong ki chnat, da chynna wa katwa em i duna ki wakreh manda rap ki ya kiwi ki kaam da lait noh i kaam wa jooh leh ki, kamtæ pyrkhat u dei wow e noh ha jar jiar ki dong ki chnong u man i iwa rap biang. 

Heijooh i por kyntu u yaki waheh chnong wow bood ryntih ki yaki kyndon ka chnat i chait i khiah waka Municipal, nalor wow syndong leh yaki tiar wada ekti haki neibynta i myntoi wa chakhmat.

Yei bhah wa yoh yakai Pump siat dawai wei dawai da saam katkam i heh i kmai ki dong ki chnong.

Ha kani ka sngi yei rukom khleh dawai khleh um i wow yahap katkam i heh ka Pump da batai daka Dr. R. Passah In-charge Chutwakhu Urban Health Centre. Heijooh i por da kyntu ko leh wa heipor wa siat dawai wow deiñ yaki Mask waki sapkti wei ymtoh u siat cha ki thaw wa jan thlu-um, nalor wa emkaam u sait khooid yaki tiar wa pynemkam wa kiwi kiwi.

Da emlang ha kani ka sngi ka R.S. Manner CEO Jowai Municipal Board, ki MDC ka JHADC wa kynthup u Lakhon Dkhar, u Otomewot Lamin wa u Brightstar Chyrmang nalor u waheh chnong ka Chutwakhu u D. Pyrbot wa kiwi haka yalang wa pynlai u P. Lyngdoh.

Previous
Next

0 Comments

Leave a Reply