Shillong: Ka seiñ kiwa tynyap doh masi hapoh ka lama ka Khasi Jaiñtia Butchers Welfare Association (KJBWA) ynne ka sngi, da yachem ki ya ka Deputy Commissioner ka East Khasi Hills ka Matsiewdor War wa ka Superintendent of Police (SP) ka Claudia Lyngwa neibynta wow pynbait kammon wow pyndam yei eh i khoo wa yatoh wa i ah doh.
Hawa yaklam hadien wa mih na ka yalang wa ka DC, u General Secretary ka KJBWA u Generous Warlarpih da ong u wa neiliang ka DC da kyrpaad ko ya ka seiñ wow man kawa yaichah heiwa daw thooh ki laad wow pyndam noh yei eh i khoo yong ki.
U Generous da ong u wa ka seiñ daw pteiñ hi ko wow sangeh tynyap doh hadooh wow pynbait da iwi tawon wow pyndooh pyndam noh yei challan tooh ya ki masi cha Bangladesh.
Heijooh i por da ong u wa ka seiñ tip ko ya ki bru wa man dalal wow pyndur wa man ki kiwa tynyap masi tangwa dai ki ya ki masi cha Bangladesh.
Katkam wa ong u Generous, ki chnat ka seiñ ha kylleiñ da kyrchaan ki yeini i yakhih deiwa kyrpaad ya ki paidbah wow man ki kiwa yaichah.
Discussion about this post