15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yachem ka KSU wa u DC yeiwa toor pood ka Assam

Advertisement ad1

Ka Khasi Students Union (KSU) Jaiñtia Hills District Unit waka KSU Nartiang Unit deiwa emlang ka KSU Namdong Unit, ynne ka sngi da lai yachem ki wa u Garod LSN Dykes, Deputy Commissioner West Jaiñtia Hills District Jowai heiwa da pynsñiaw ki ha oo yei eh yong ki paidbah ka thaaiň khappood ha ka chnong Khanduli hawa yatoh wa i toor pood wei wan thung næ seh kulmar ya ki chrot bordiñ da ka sorkar Assam khlem da lai katkam ki kyndon yong ka aiñ, wei ya kam ini da jooh jia na ki por cha ki por neidaw wa ka sorkar Meghlaya hadooh ynne dang leh kyndeh ko manda yatoh wa ki thaaiñ khappood ha waroh kawi ka bri u Ynñiawtrep Ynñiawskum.

Sa iwi i dawa ka seiñ toh i eh yong ki paidbah ha ki bynta yong ka thaaiñ Nartiang hi waroh kawi heiyatoh wa u sarok Nartiang chadooh Khanduli.

Ka seiñ da yaklam sani bha ko wa u khlieh ka District wa toh u tuklar smat khnang wa ki paradoh parasnam yong i kiwa sah cha ki thaaiñ khappood u man ki kiwa chngaaiñ, chooh chooh ka seiñ da ong ko wa lada jia wa ki bor wa toh u pait ym chimkhia ki, ka seiñ ym yohsa ko wow pyrkhat da kiwi won ki luti neibynta kani ka kaam.

Share this:
Previous

Yachem ka JAC ya u Hek yow dawa pynku kyrdan yaka Dispensary wa em ha Padu

Next

Yoh COVID-19 u Minister ka Road Transport & Highways