Shillong: Ka Joint Action Committee (JAC) on Demand for Up-gradation of Padu State Dispensary to PHC hapoh i yahkhmat yong ka FKJGP da dawa ko na u Montri ka chnat i chait i khiah yow pynku noh ya ka Padu Dispensary cha ka kyrdan PHC kawa pura neibynta i myntoi yong ki paaid chong chnong ka thaaiñ.
Ka JAC toh ka Committee wa kynthup ya ka FKJGP War Jaiñtia Circle, KSU War Jaiñtia Circle, HNYF Southern Ri-War Circle deilang wa kiwa yahkhmat na ki 12 tylli ki chnong ka thaaiñ War Jaiñtia.
U Chairman ka JAC u Reachingson Kongwang uwa man leh u Secretary ka FKJGP War Jaiñtia da ong u wa i yachem man ko kawa mihsoh neibhah wa u Montri da pynsñiaw u yei kyrmen wa ka thaaiñ ye ko wow yoh ya ka PHC tangwa emkaam wow pynmiat pynbiang ya ki kattu katni iwa emkaam.
Katwa uwa yahkhmat ka KSU War Jaiñtia u Laitphar Syngkrem da kyntu u ya u Montri waka sorkar jylla wow pynbiang ya iwa emkaam yong ka thaaiñ khamtam heiliang ki laad e sumaar deiwa ong leh wa ka War Jaiñtia em ko boon i eh lada man heiliang i chait i khiah næ kiwi won, neibhah kiwa boon toh kiwa wan na kiwa manyung wa dooh wa duk, kamtæ ha i kjut i chitom da maad ki yei eh wa palat neibhah wa jngai ki thaw sumaar.
Neiliang u AL Hek won hawa klam wa ki laad pathai khubor da ong u wa daw phah ya i thoh cha ka Committee ha West Jaiñtia Hills wa da khlieh da u DC kam u Chairman wa u DMHO kam u Secretary wow pait hajrong i dawa wow pynku kyrdan noh ya ka Padu Dispensary cha ka PHC kawa pura.
U Hek da pyntip u leh wa dang ha kini ki kajiak sngi da lai pait u da oo hi yaka Amlarem Civil Sub-Division wei kamjooh leh yaka Dispensary wei da dep wow pynsñiaw wa yei pynku kyrdan u man bait ko ha i jooh i yung neibhah wow pynku kyrdan emkaam wow pynbiang ya iwa emkaam kam i boon ki paaid chong chnong, i thaw wa biang wei wow pait ya i jngai na kawi ka PHC cha kawi.
Da ong wa ya ini i kaam u ekti ha ka Committee kawa da em ha ka District neibynta wow pait ya iwa emkaam wei wow lai pait ya i thaw wa kiwi kiwi kiwa emkaam.