Ka Khasi Students’ Union (KSU) Mynksan Unit da lai yachem ko wa u EE ka chnat PHE ha Jowai hajrong i sahteiñ i pynkrehkaam ya ka Scheme saam um ha chnong Mynksan neibhah kamwa man katni da chna du kawi ka top um da boon boon snem wei ya ki Pipe um leh da ye wow kreh du kattu katni ki bynta yong ka chnong wei tang chi pawa leh ym pu dep te da sangeh da ki snem.
Hajrong ini, ki dkhot ka KSU Mynksan Unit ynnin ka sngi da lai yachem ki wa u Engineer wa toh u pait hajrong ini wei da kular u hakhmat ka seiñ wow chimkhia noh smat yow phah sdang kreh biang ya u Contractor wa toh u pynkreh ya kani ka Scheme hapoh kani ka chnong wei da pyntip leh wa ya ki top um toh u em 7 tylli ha kani ka chnong wei da ong u wa sah sadu wow pyndep ya kani ka kaam neibhah ya kiwa emkaam dadep pynbiang lut nadong chadong.
Neiliang ka seiñ da kwah ko wow chimkhia u Contactor wa lada ha iwon iwon i jait kreh leh neini chakhmat toh u smat u pyndep ym toh wow chimpor da ki snem najrong wa da biang i pynbiang ka yung krehkaam sorkar.