Yachem ka NESO wa ki MP ka Samajwadi Party, Dravida Munnetra Kazhagam waka Bodoland Peoples Front wow pyrchah ya ka CAB

Jowai: Ka North East Students’ Organisation (NESO) kawa emlang hapoh ka satri yong ka, ka KSU, AASU, GSU, AMSU, TSF, AAPSU, MZP wa NSF, kiwa yakhih wow pyrchah ya ka Citizenship (Amendment)Bill 2016, ynne ka sngi da yachem ki wa u Javed Ali Khan, MP, Rajya Sabha ka Samajwadi Party (SP) wei da yachem ki leh ya u Tiruchi Siva, MP, Rajya Sabha naka Party DMK.

Ha waroh ar liang kular ki ya ka NESO waka Party yong ki u Vote ki pyrchah ya ka CAB lada wanrah ya ka hapoh ka Rajya Sabha.

Hachwa ini ki dkhot ka NESO da yachem ki leh wa u Biswajit Daimari, MP, Rajya Sabha ka Bodoland Peoples Front, wei haka yaklam u MP leh da ong u wa daw Vote pyrchah ya ka CAB lada wanrah ya ka ha Rajya Sabha deiwa pyrkhat ya ki tre ri kiwa khian paid ka thaaiñ mihsngi.

Haka tayaw wa da dep ka NESO da yachem ko leh wa u heh ka Shiv Sena Chief, u Uddhav Thackarey ha Mumbai kamjooh ya u Rahul Gandhi ha New Delhi yow paan yei kyrchaan yong ki pyrchah ya ka CAB.

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha iwi tawon i liang u Union Home Minister u Rajnath Singh ha ka 12 tarik uni u bnai daw wanrah u ya ka Citizenship Amendment Bill haka Rajya Sabha yow yoh ya ka monjur wow pynman aiñ noh ya ka.