Yachem ka SBYWA ya ka DMHO EJH hajrong ki kaam wa yatoh wa ka Natbor Sub Center

Khliehriat: Ka Seiñ Southern Border Youth Welfare Association (SBYWA), Elaka Lakadong & Rymbai, EJHD hei yahkhmat u S. Shadap uwa man kam u President wa u NL Talang General Secretary ryngkat ki dkhot hadien wa da paan yarap ka Shylla Mynthlu na ka seiñ, da lai yachem ki ynne ka sngi markhmat wa ka Dr. J. Lakiang, kawa man kam ka District Medical Health Officer, EJH Khliehriat hajrong ka Natbor Sub-Center wow dawa pynkrehkaam noh ya kani ka Sub-Center kawa em ha chnong Natbor.

Kani ka Sub-Center toh kawa e chakri ya ki paidbah ki chnong wa kynthup ya ka Borghat, Natbor, Pdengwahkhyriam, Demlakang wa ka Kwator heiwa da booh ko hei eh i khoo ya ki paidbah neibhah kamwa man katni ympu em yoh ka sorkar lyngba ka chnat i chait i khiah u pynemkaam ya ka nadooh wa dadep chna ya ka yung (building) ha ki snem wa dadep.

I daw wa waroh iwa dang sah khlem yoh wow pynemkaam toh neidaw wa ka chnat hadooh katni ympu em u thungkreh ko ya ka Shylla Mynthlu kawa man ka tre thaw kawa e mon sñiawbha ya ka chnat wow chna ya kani ka Sub-Center lyngba i mynjur lang ha ka 18-01-2009 wa ka Dorbar Chnong Natbor, ka Shylla Mynthlu wa neiliang ka sorkar da u SDO, Health Engineering Wing Jaiñtia Hills.

Neiliang ka seiñ SBYWA da dawa ko na ka chnat wow thung kreh ya katai ka tre thaw (Shylla Mynthlu) neibhah katkam ka yutip kawa ka seiñ da yoh ko na ka yung krehkaam u Commissioner & Secretary DHS, Shillong da ong che ko hawa kiwon kiwon ki bru næ ki chnong wa da e mon sñiawbha ya ki thaw cha ka sorkar em ki ka hok wow yoh kreh ha ki kyrdan Grade IV næ Grade III.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kamtæ kani ka kong da toh u thung kreh ya ka ha kani Sub-Center khnang wow yoh ko ya i hok kynti yong ka wei lada jia wa ka sorkar dadep thung ko da kiwi toh u kyrriah noh ya ki chawi.

Chooh choh ka seiñ da dawa joor ko wow thung kreh ya kani ka tre thaw deiwa kyrchaan ya ka chithi yong u DC, EJHD uwa dadep thoh ha ka 18-02-2015 cha ka yung krehkaam DMHO, Jowai wow thung kreh ya ka Shylla Mynthung ha ka kyrdan Grade IV heiwa wat neiliang u MLA warim ka thaaiñ u Nehlang Lyndoh leh da mynjur wei dadep thoh u cha kani ka yung krehkaam hajrong ini.

Hajrong kani ka bynta ka seiñ da pynsñiaw ko yei phylla hajrong wow thung kreh ya kani ka tre thaw heiwa da suba ko wa em i daw cha lyndet iwa pynartatien ya ka seiñ, da ong u S Shadap 

Khaddooh ka seiñ da kyrpaad ko ya ka Dr. J. Lakiang, DMHO, Khliehriat wow chimkhia hajrong kani ka kaam khnang wa kani Sub-Center u yoh myntoi noh ki paidbah deiwa thung kreh ya ka.