Ka Synjuk Waheh Chnong, East Jaiñtia Hills District, ynne da yachem ko wa u DC ka District heiyatoh wa u sarokbah National Highway-6, khamtam nadooh na Tuber Chohchrieh hadooh Ratacherra.
Ka synjuk da ong ko wa uni u sarokbah man u u budloom ki chnong ka District kamjooh ka jylla Meghalaya, ka Barrak Valley, Assam wa kiwi ki jylla ka thaaiñ mihsngi wei i sih uni u sarok da ktah joor bha u ya kiwa lai wa wan na oo, wei ktah u ym du ya ki paidbah tangwa booh u leh hei maa ya ki khynnah skur.
Da ong leh wa ki thlu ha u sarok da wandur lakam ki nan khian iwa wanrah leh yei sahkut wa i sih ki kari.
Kamtæ da kyrpaad ya ka sorkar wow chimkhia yeini deiw ong kamni:
- Wow sylli u jngieh ya u sarokbah NH-6 na Tuber Chohchrieh hadooh Ratacherra.
- Wow pynlait poisa wow chna pynmiat ya oo.
- Wow pynlait ya ki kari hawa sahkut kari iwa da jia nei em ki thlu wa heh ha sarok.
- Wow pyntikna wow pait u sylli ya u sarokbah NH-6 yow lait chooh chooh u nei sih.
Da ong leh wa ka Synjuk Waheh Chnong, East Jaiñtia Hills District daw thooh ko da kiwi ki laad lada ym chimkhia yeini.
Discussion about this post