Yachem ki heh ka Congress wa u President ka UDP wow chna EC ha KHADC

Shillong: Hadien kattu katni por wa dadep pynbna ya ka Result Election MDC, kiwa yahkhmat ka Congress ha ka jylla da lai yachem ki ya u President ka United Democratic Party (UDP), u Dr. Donkupar Roy neibynta wow yalok wow yoh u chna ya ka Executive Committee ha KHADC.

Ha ka District Council kawa em 29 ngut kiwa mihkhmat emkaam 15 ngut wow yoh u chna ya ka Executive Committee wei ka Congress kawa em 10 ngut ki MDC ynne emkaam ko sa du 5 ngut wow yoh u chna ya ka EC ha KHADC.

Hawa yaklam wa uwa e ktien ka Congress, u Himalaya Muktan Shangpliang da ong u wa ini i yachem toh wow khut ya ka UDP kawa jop 6 ngut ki MDC wow chna lang ya ka EC wa ka Congress ha KHADC.

U Shangpliang da pynsñiaw u yei kyrmen wa ka Congress kawa em 10 ngut ki MDC ryngkat wa i krehlang wa ka UDP kawa em 6 ngut ki MDC ye ko deiwa suk u chna EC ha KHADC.

Related posts

Hiar chuki u Nitish Kumar kam u CM ka Bihar hadien wa ksoh ya ka chuki 10 sien

March 30, 2026

Ym pu em e jubab ka JHADC lada daw pdiang yei tyrwa wow su noh da ka sorkar ya ka tulop

October 30, 2025

Hawa yaklam wa u Dr Donkupar Roy, da pyntip u wa i wan ki heh ka Congress toh wow khut u chna ya ka Executive Committee wa thymme ha KHADC, tangwa neiliang u President ka UDP da pynsñiaw u wa da kyntait ya ini i tyrwa ka Congress deiwa ong wa i krehlang ha KHADC u man i kamwa man ha ka sorkar jylla hi.

Da ong u wa ha ka sorkar MDA da yakrehlang waroh ki party, lait noh ka Congress wei ha KHADC leh toh u man ko i jooh i rukom.