Yachem ki waheh wasian wa kiwa kitkaam Balang ka Rymbai ya u Sniawbhalang Dhar

Ki waheh wasian, ki khynroo chirup wa kiwa kitkaam yong ki Balang Presbyterian kiwa em hapoh yong ka chnong Rymbai da yoh laad ki wow yachem markhmat wa u Sniawbhalang Dhar uwa man kam u Deputy Chief Minister ka sorkar Meghalaya ha ka 22 tarik uni u bnai.

Ha ini i yachem da yoh u pynsñiaw wei u booh dorkhat neibynta u pynchna ya u sarok chnong (Internal Road) ha waroh kawi ka chnong wei u pynyoh ki Street Light leh kam chibynta ka Silver Jubilee Celebration yong ka KJP Assembly kawa daw man ha ka chnong Rymbai nadooh ka 17 hadooh ka 19 tarik u December 2027.

Neiliang u Sniawbhalang Dhar leh pynyoo u yei sñiawkmen hadooh kattæ kattæ hawa yoh u yachem wa ki waheh yong ka chnong deilang kiwa kitkaam yong ki Balang leh kamjooh. Da pynsñiaw u wa neiliang yong oo leh kwah wei angnood u u yoh yei ya krehlang, u yaman paralok wa ka chnong Rymbai wei kular u leh u yaleh chitom la kammon kammon u pynyoh yeiwa emkaam ka chnong katkam ka dorkhat wa da booh ki.

Pynsñiaw u leh heiyatoh wa kani ka Bye Election MP kawa daw man deiwa booh kyrpaad ya ka chnong Rymbai wow e kyrchaan ya u kyrtong ka NPP, u Dr. D.R.L. Nonglait. U Sniawbhalang ong u leh wa i pynyoo phi kam ka chnong u kyrchaan rap boon ya u kyrtong ka NPP, pynyoh bor chooh chooh ko ya oo u yaklam hakhmat u Chief Minister neibynta u pynyoh yeiwa emkaam yong ki katkam ka dorkhat wa da mang da kyrpaad.

Sñiawkmen ki leh u tip wa daw yoh ki leh ka laad u lai booh dorkhat sa hakhmat u Prestone Tynsong, Deputy Chief Minister heiyatoh wa kani ka jooh ka thmu ha ka tarik kawa daw e u Sniawbhalang.

Related posts

Khut sñiawbha ka Seiñ Raij Tuber cha ka Behdieñkhlam 2026 | Da booh kyndon leh ya kiwa wan chongdai

July 13, 2026

Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid

July 13, 2026

Ki waheh wasian yong ka chnong Rymbai wa ki khynroo chirup leh wa kiwa kitkaam yong ki Balang kiwa wan yachem wa u Sniawbhalang Dhar da em ki kamwa 70-75 ngut waroh.

Da pyntip ki leh wa hajrong ini i yachem kawa sñiawsuk sñiawkmen wei e mynsien, kitbok kitrwiang ki ya waroh arngut, u Sniawbhalang Dhar wa u Prestone Tynsong yow emlang u Blai chirup wa ki yow yoh dei chait i khiah i doh i pran chirup wa ka yung ka sem yong ki waroh ar yow ye ki leh u kit lyngkor bah lyngkor ya ki khon ki raiot yong ka jylla hi waroh kawi.