Ka seiñ kiwa chet ja skur kawa tip kam ka Union of Cook cum Helpers PM POSHAN Meghalaya Shillong ha i yahkhmat ka Gina Nengnong kam ka President wa u Charles Shongwan, General Secretary ha i emlang kiwa kitkaam ki chnat krehkaam na ki District, da yachem ki ynnin ka sngi ya u James PK Sangma, MP Rajya Sabha ha yung yong oo ha Shillong.
Ha kani ka yachem da kyrpaad ki ya oo wow yaklam u wa u Prime Minister ka ri, u Narendra Modi yow pynku noh ya ka poisa kawa Rs. 900 kawa e sñiawbha ka sorkar pyrdi ha ki arphaw snem nachwa cha kiwa chet ja skur lyngba ka PM POSHAN ka thaaiñ mihsngi ka ri India.
U James Sangma da khana u wa da toh i por wa ka sorkar bei u pynku ko ya kani ka poisa, kamtæ da kular u ha kini ki sngi wa daw em u ha Delhi daw lai yaklam u wa u Prahlad Joshi, Union Education Minister wa ya ka Nirmala Sitharaman, Union Finance Minister.
Ka seiñ dadep rai ko wa nadooh ka 01-09-26 u sangeh krehkaam noh kiwa chet ja skur ha waroh ka jylla wa ka thaaiñ hadooh wa yoh jubab ko na ka sorkar pyrdi.
Kamtæ da kyntu ko ya waroh ki Head Teacher, ki dkhot ka SMC wa ya waroh ki bei ki pa wa kiwa ri wa sumaar ya ki khynnah skur khian yow kyrchaanlang ki ha kani ka yakhun khnang yow nang ye u pynkrehkaam deiwa pynku chooh chooh ya kani ka PM POSHAN neibynta u bhalang ki khynnah skur wa ka jaitbru ka ri India waroh kawi.
Discussion about this post