Shillong: Katkam ka khubor wa da yoh da ong wa ki MDC ka Congress kiwa da kwah wow pynneh ya u Thombor Shiwat kam u CEM ka JHADC da yachem ki ha ka Pongtung Guest House kawa em hajan ka Pynursla ha kini ki sngi wa da dep.
Kani ka yachem yong ki MDC ka wa wym ye u pyntikna yei daw da ong wa kiwa pyrchah ya u Andrew Shullai uwa da jied ka MPCC kam u CEM thymme ka JHADC da yachem ko ki wow pyrchah ya ini i rai heiwa ya ka sngi jied CEM thymme da booh ha ka 27 tarik uni u bnai.
Da ong leh katkam ka khubor wa da yoh ka wym pu ye u pyntikna da em leh u Prestone Tynsong wa u Sniawbhalang Dhar kiwa thooh laad kammon wow pynhap ya u Andrew Shullai yow neh u Thombor Shiwat kam u CEM.
Kini ki MDC da neh ki ha kani ka Guest House la kamwa ar sngi.
Tangwa em won ka khubor wa ong won wa kini kiwa em ha kani ka thaw toh kiwa kyrchaan ya u Andrew Shullai.
Discussion about this post