Yachem u Ambassador ka Japan ya u Montri Rangbah wa ya u Lat ka jylla

by Wyrta Staff

May 8, 2018

Reading Time: 2 mins read

Shillong: U Ambassador ka Japan cha ka ri India, u Kenji Hiramatsu ynnin da wan u cha jyllla wei da yachem u ya u montri rangbah ka jylla, u Conrad Sangma kamjooh leh ya u lat ka jylla u Ganga Prasad.

U Kenji da kular u wa daw kyntu u ya kiwa khayi pateiñ ka Japan wow sdang ki wow yakrehlang wa ka thaiñ mihsngi ka India kamjooh leh wa ka jylla Meghalaya.

Ha kani ka yachem da yaklam chaphang ki laad wa ye u pynbiang ya ki kaam hapyrdi ka Japan wa ka Meghalaya khamtam ki rukom song baam katkam ka juk wa katni wa kiwi kiwi.