Yachem u CM wa ki montri ya u Modi neibynta ki kaam pynroi ha ka jylla wa ki kaam tih mooyong

New Delhi: U Montri Rangbah ka jylla u Conrad K. Sangma chirup wa ki montri yong oo ynne ka sngi da yachem ki wa u montri rangbahdooh ka ri u Narendra Modi wow yaklam hajrong i eh i khoo wa yachem ka jylla.

Kani ka yalang da neh ko hadooh kamwa 25 minit, heiwa u Conrad da pynsñiaw u yei emkaam ya ka mang poisa kawa da pynkylla hapoh ka 14^th Finance Commission.

“Da kyrpaad wa ka mang poisa da ong u wa emkaam wow pynkhai im biang ya ka poisa wa da yoh na ka sorkar pyrdi neibynta ki kaam pynroi hapoh ka thaiñ mihsngi khnang wow ye u sdang biang i kreh ya ki kaam wa dang sahteiñ”, da ong u Conrad.

Da pynsñiaw leh yei chitom poisa ka sorkar jylla heiwa da paan yarap leh na ka sorkar pyrdi.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

“Da pynsñiaw i leh chaphang ka National Games wei da pyntip i wa ka National Games ya tyngkhooh ko wa ka lyngkhooh dap 50 snem ka jyllam katwa kamtæ emkaam bha wow lehkmen ya ka ha ka rukom kawa phooh” da ong u Conrad.

U Conrad da kyntu u ya u Modi wow kyrchaan ya ka jylla ym du ha ka kaam yalehke sports tangwa wot hadooh wow pynmiat ya ki kaam uiñke suwari, ki kaam pynroi sor, ki sarok, ka um baam um dih wa kiwi kiwi kiwa yatoh wa ka National Games.

“Kani ka tamasa yalehke sports man ko kawi na ki kabu ksiar wow wanrah i kylla hapoh ka jylla” da ong u Conrad.

Da yaklam leh chaphang ki kaam tih mooyong wa ki kaam wa yatoh wa u pood u ang ka jylla wa ka Assam.

Ha kani ka yachemlang da em waroh ki montri ka sorkar jylla.