Yachem u Comingone wa ki sahep ka FCI yow pyntikna wym pynslem i pynpoi ya u khoo rachon

U Montri ka chnat Food Civil Supplies & Consumer Affairs, u Comingone Ymbon, da yachem u wa ki sahep ka Food Corporation of India (FCI) wa ki sahep ka Supply na ki District wa ki Sub-Division ha ka 1 tarik.

I thong kani ka yalang toh yow pait wei wow pynpliah yei rukom kit rukom bah ya u khoo rachon wa kiwi de ki marbaam rachon hapoh ka jylla.

ADVERTISEMENT

Ha kani ka yalang da emlang leh u P. Bakshi, IAS, Commissioner & Secretary, Food Civil Supplies & Consumer Affairs deiwa emlang leh ka DC ka East Khasi Hills waka Sub-Divisional Officer ka Pynursla.

U Montri da yaklam u yei rukom lai kit ya ki marbaam na ki FCI Godown, Mawlai wa na FCI Godown, Sohryngkham yow ye u pynryntih yei rukom pynpoi ya u khoo rachon deiwa miat kamjooh ki luti syngkieñ wa hap ki u chim yow lai bait i pynpoi khoo rachon hapoh ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ban joor yei emkaam u jied ya ki luti wa jan dooh na ki FCI Godown cha ki dukan Fair Price Shop namo ki dukan rachon heijooh i por leh yow pynduna yei pyntngit ya ka rym-aw.

U Montri da ong u leh wa kam kini ki yachem toh kiwa emkaam neibhah ka chnat toh kawa da pynkrehkaam boon ki kaam wa thymme yow pyntikna wa kiwa yoh myntoi yow ki ya u khoo heipor wa biang yow pynman ya ka jylla kawa skem hei dap baam.