Yachem u Conrad wa ka Sushma Swaraj neibynta ka khayi pateiñ wa ka ri Bangladesh

Jowai: U Montri Rangbah ka jylla, u Conrad K. Sangma ynne da yachem u ya kattu katni ngut ki montri ka sorkar pyrdi ha New Delhi wow pynsñiaw ya ki chaphang ki kaam wa ka sorkar jylla thmu ko wow leh khnang wow ye u wanrah ya ki kaam pynroi.

U Conrad nyngkong da yachem u ya ka Union External Affairs Minister ka Sushma Swaraj heiwa da kyntu u ya ka wa ki kaam wa yatoh wa ki sarok wa pynyabi ya ka Bangladesh wa ka Meghalaya heiwa da klam u leh chaphang ka sarok Shillong – Dhaka wa Tura – Dhaka.

Heiwa ka Swaraj da kular ko wow e yarap cha ka jylla heiwa da kular ko wow yaklam yeini ha ka North East Chief Minister’s Meet ka wow man ha New Delhi ha ka 4 tarik u Naisan.

Ka Swaraj da kular ko leh wow e yarap pura ka sorkar pyrdi ya ka Meghalaya wa kiwi kiwi ki jylla ka thaiñ mihsngi ka ri wei wow pynku ya ka kaam khayi pateiñ wa kiwi ki ri.

Related posts

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Pynbna ka VPP ya ki kyrtong MDC ha ka JHADC wa KHADC

November 13, 2024

Da e yumut ko leh ya u Conrad wow chim kabu ya i yatoh lok ka India wa ka ri Bangladesh wei ka sorkar pyrdi u yaleh ko katwa ye wow pynkrehkaam ya ki kaam pynroi hapoh ka Act East Policy.

Neiliang u Conrad da pyntip u leh wa ka Meghalaya ya wa u pood hadooh 440 Km waka ri Bangladesh, heiwa da pynksan u leh wa emkaam wow pynkrehkaam noh sa ya ka “Act South” ka wow kyntu ya ka khayi pateiñ ha kani ka thaiñ.

Heijooh i por u Conrad da pachat u leh ya iwa emkaam wow e ya ka Work Permit cha ki bru ka Bangladesh wow sonteri ya i kaam psiah tooh kiwa na baar chapoh ka jylla.