Yachem u Conrad wa ki montri ya ki Rangbah Shnong hadien wa mih i awri ha Shillong wow krehlang wa ka sorkar

Jowai: Hadien wa pteiñ i awri hadooh ynne ka sngi ha Shillong neiliang u montri rangbah ka jylla, u Conrad K Sangma, u montri ka tnat kaam pohyung, u James K Sangma, u montri ka tnat i chait i khiah, u A L Hek, wa kiwi kiwi ki montri ynne da yachem ki ya ki Rangbah Shnong ka Mawkhar, Jaiaw, Wahingdoh, Umsohsun, Riatsamthiah, Jaiaw Pdeng, Mission Compound ya kiwa da synraan da ki waheh wasian na kini ki chnong, ki seiñ manbei wa ki khynroo wow yaklam hajrong i jia ha Motphran wa kiwi ki thaiñ ka Mawkhar wa haap hapoh ka 17 – North Shillong Constituency.

Ka yachem da man ko kawa biang heiwa ki ar liang da pynsñiaw ki yei mynsien wa skem hajrong i awri wa mih ha sor Shillong.

Ki Rangbah Shnong da kyntu ki wow khang yaki pulit wow psiah cha ki chnong wei wow pakhot Tear Gas cha ki pchem wa ki yung bru heiwa u James Sangma da ong u wa ki pulit yaleh ki u pynduna yeini.

Da yaklam leh hajrong kiwa boon ki phang khamtam heiyatoh wa i por wa pynkrehkaam ya ka Curfew yow pynche paidbah yeini khnang wa ki paidbah u tip ki yeiwa jia.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da kyntu ki na ka sorkar wow kyrriah noh ya kiwa chong wa sah ha Themmator (Sweeper Lane) wei neiliang u Conrad da pyntip u wa da paan u ya ka bui na ki tnat kam ka Urban Affairs wa Revenue Department hajrong i wow kyrriah ya ki na kani ka thaw wei wow leh ka sorkar yeiwa emkaam.

Heijooh i por ki Rangbah Shnong da kular ki wow leh yeiwa emkaam wei wow krehlang wa ka sorkar heiwa daw lai yachem ki ya kini ki khynroo khynllood kiwa pynman yei yakhih wei wow kyntu ya ki wa ymhoi de u yakih ki neibhah ka sorkar da leh ko yeiwa emkaam katkam wa dawa ki.