Ynne ka sngi u Montri Rangbah ka jylla, u Conrad K Sangma da booh u ya i dur ha ki Social Media heiwa da chondur lang u chirup wa u Actor, Akshay Kumar.
Ha ini i dur u Conrad da thoh u leh ya ki kyntien wa ong “With one of the greatest superstars of Indian cinema @akshaykumar… it was a pleasure meeting up” (Chirup wa uwi na ki khloor ka Indian Cinema u Akshay Kumar, sñiawkmen wow yachem kamni).
Kam wow kdaw heini u Conrad da lai u cha nongbah New Delhi ha kani ka 8 tarik uni u bnai wei u Akshay Kumar leh toh uwa sah wei da heh u ha Chandni Chowk, New Delhi chwa wow lai sah u cha Mumbai.
Ympu tip iyi wa da yaklam kini ki ar ngut ha ini i yachem hadooh wa pynmih ya kani ka Wyrta wei daw pyntip cha phi mar yoh yutip hajrong ini.
Hadien wa booh u Conrad ya ini i dur da em ki bru paidbah ha u Twitter kiwa da jubab hajrong i dur deiwa ong, “Waroh kyruiñ ki cha u Akshay”, “Miat bha waroh ar ngut phi”, wa kiwi kiwi.
Da em leh kiaw jubab deiwa ong “Candian Kumar, BJP Worker” (U Akshay toh uwa nong Canada, wa uwa kreh ka BJP).
Hawa pait won ya ka Twitter u Akshay ym em iwon iwon leh i dur wa da booh u wa u Montri Rangbah ka jylla.
