Ynne ka sngi u Montri Ranbah ka jylla, u Conrad Sangma ynne ka sngi da yachem u ya ki khloor yalehke Kicboxing na ka jylla wow pynchlur wei wow e mynsien ya ki.
Ha ini i yachem da em leh ki le ngut ki wow lai yakhun ha ka lympung World Kickboxing Championship kawa daw pynman nadooh ka 15 hadooh 24 Naichiphaw 2021 ha Italy ya kawa daw pynman da ka World Association of Kickboxing Organisation.
Kini ki le ngut kynthup ki ya kini hawah:
U Hame Shaniah Suiam na Shangpung Mission uwa daw yakhun ha ka Senior Men Point Fighting-57 Kg
U Pynshrainmiki Rabon na Shanpung Pohchnong, uwa daw yakhun ha ka Senior Men Low Kick-63.5 kg
U Babit Kharsahnoh na Smit uwa daw yakhun ha ka Senior Men K1-51 kg
Neiliang ki khloor yalehke Kickboxing da khana ki ya u Conrad heiyatoh wa i eh i khoo wa yachem ki khamtam hei lut i sep wei neiliang yong oo leh da kular u wow thoohlaad wow yarap ya ki.
Chooh chooh u Conrad da kitbok u eh ya ki 15 ngut na ka jylla kiwa daw lai chah hikai ha ka National Kickboxing Training Camp ha Himachal Pradesh da ka WAKO India wei kawa daw pynman nadooh ka 1 hadooh 7 Naichiphaw 2021.
