Yachem u Conrad ya u Montri ka DoNER heiyatoh wa ki kaam pynroi hapoh ka jylla

Jowai: U montri rangbah ka jylla, u Conrad K. Sangma ynne da yachem u ya u Union DoNER Minister, u Dr. Jitendra Singh ha New Delhi wow pynsñiaw ya ki kaam pynroi hapoh ka jylla weiwa kyntu wow e yarap pura cha ka jylla.

U Dr. Singh da kular u wow e yarap pura cha ka sorkar hei yatoh wa kini ki kaam pynroi.

U Conrad da pachat u leh ya ka scheme wa dang sdang thymme da kani ka Ministry wa tip kam ka North East Special Infrastructure Development Scheme (NESIDS), heiwa ka sorkar jylla da phah ko ya ki kattu katni ki kaam pynroi hapoh jylla.

Ka NESIDS toh kawa e yarap poisa pura da ka sorkar pyrdi hei yatoh wa ki kaam saam um baam um dih, ki bordiñ, ki luti syngkieñ, i stat i tip, i chait i khiah, wa kiwi kiwi.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Kani ka Project hapoh ka jylla kynthup ko ya ki Solar Streetlight ha ki 1800 tylli ki chnong wow pynku kyrdan wei wow pynmiat ya ki sarok hapoh ka jylla.

U Conrad da pynsñiaw u leh ya ki kaam pynroi khamtam ki wow pynphooh ya ka National Games 2022 ka wow man hapoh jylla kamjooh leh wow kyntu ya ka kaam rep wa ka kaam uiñke suwari.