15 49.0138 8.38624 1 0 4000 1 https://wyrta.com 300 0

Yachem u Metbah wa u Lat yow dawa pynsmat mynjur yaka MRSSA

0 Comments
Advertisement ad1

Shillong: U Lamphang ka yung dorbar chna aiñ ka jylla uwa man leh u President Rangbah yong ka seiñ United Democratic Party, u Metbah Lyngdoh ynnin i janmiet ka 12 tarik da lai yachem u ya u Lat ka jylla yow pynsmat wow e mynjur ya ka MRSSA kawa da phah da ka sorkar jylla MDA.

I lai yachem u Metbah toh na i sñiawkhia yong oo kawa man leh ka angnood yong ki paidbah khamtam wa da yoh mynjur yong ka CAB ha Parliament kawa kynthup ya ka Lok Sabha wa Rajya Sabha.

Ha i yachem wa u Lat, u Metbah da kyrpaad joor ya u Lat wym pynslem de yaka MRSSA kawa ki paidbah ki pdiang ki kam ka tiar yaleh wow yada yei man kian paaid.

U Metbah da pyntip u wa u Lat da kular u wow leh rap smat wei ym pynslem u tangwa hap wow yang wa ya katni dang em ka bichaar bniah ha ki bru chemphang kiwa tip aiñ.

Ha iwi i liang, u Metbah da kyntu u leh yaki paidbah ka jylla, ki NGOs, wow man ki kiwa jai jai ha ka yakhih yong ki wei wym e laad wa ka yakhih u poi ko cha u pood yong i jia umsnam khamtam wa man u bnai yong ka lehkmen Christmas.

Da kyntu u leh yaki Dorbar Chnong wow kem lada yoo ki wa em ka huri hura.

U Metbah ha i jooh i por leh da kyrpaad u yaki bor ka aiñ wym toh u man ki kiwa khor hawa yatoh wa i krehkaam yong ki hawa chem ki yei chrai ki paidbah wei wow man ki kiwa chakri wow wanrah yaka chong suk.

Advertisement ad1

0 Comments

Leave a Reply