Uwa yahkhmat ka Congress, u Rahul Gandhi ynne da yachem u wa u Montri Rangbah warim ka Meghalaya uwa man leh kam uwa yahkhmat ka Congress Legislative Party (CLP), u Dr. Mukul wa ya u Meghalaya Pradesh Congress Committee President, u Vincent Pala ha New Delhi.
U Dr. Mukul Sangma da lai u cha Delhi ynne ka sngi Bibar hadien wa chah khut u ha ki heh ka Congress.
Ya yani ka yachem da pynman hadien wa mih i kynrum kynram hapoh ka Meghalaya Congress heiwa da mih ki khubor wa da thmu u Dr. Mukul wow yut seiñ deiwa yah lang wa kiwi ki MLA kawa ym em mankaam.
Hawa kylli, neiliang ka Congress da ong ki wa da yaklam du ya ka Election chiteiñ samoi, heiwa ynne ka sngi da pynbna leh yei pyrtuid ki le ngut ki kyrtong na ki Constituency wa pynman ya ka Election.
Ha kani ka sngi da emlang leh u AICC In-charge, u Manish Chatrath wa u General Secretary I/C Organisation, u KC Venugopal.
