U MLA ka BJP, u Sanbor Shullai uwa em ha nongbah New Delhi wow yachem ya ki heh ka Party, da yachem u leh ya u montri ka chnat Sports and Youth Affairs, u Kiren Rijiju ynnin ka sngi wow yakhlam hajrong ki kaam wa yatoh wa ka jylla.
Da yaklam leh hajrong ka National Games 2022 heiwa u Sanbor da paan yarap u neibynta ka jylla wei da kyntu leh wow pynmiat noh ya ka madan Shillong Cantonment Ground deiwa ong wa ini daw myntoi bha i ya ki paidbah ka Shillong neibynta ka National Games 2022 wa kamjooh leh mynried mankawi.
Da kyntu u leh wow pynman ya ki program neibynta ki khynroo khyllood ka jylla dei yoh yarap na ka sorkar pyrdi i wow yarap ya ki ha kiwa boon ki liang khamtam hapoh ka 19 South Shillong Constituency.
U Sanbor da ong u deiwa leh kamni daw pynkhlan chooh chooh ko ya ka Party ha ka jylla.
Neiliang u Rijiju da kular u wow e yarap neibynta wow pynmiat ya ka Shillong Cantonment Ground wa kiwi kiwi ki kaam.
