U MLA ka Jowai u Wailadmiki Shylla ynne ka sngi da yachem u wa u montri wa pait yaka Urban Affairs u Hamlet Dohling heiyatoh wa i dooh tulop ki wakreh ka Jowai Municipal Board (JMB) la 10 bnai deiwa e leh dei thoh hajrong ini.
Neiliang u MLA ka Jowai da pyntip u wa ki wakreh ka JMB nadooh u Naisaphra u 2019 ym em de yoh tulop ki iwa da ktah yeiwa emkaam ki man ka sngi hadooh wa da hap ki wow chim ram yow pyndap yeiwa emkaam ki.
Da ong u leh wa manda yoh tulop ki, ym yoh de ki wow ksoh iyi iyi leh heiwa daw hap pynlut yaka tulop du wow su yaka ram wa da chim ki.
Da ong chooh chooh u leh wa ka khlam COVID-19 da pynkit chooh chooh ko yaka yukit yong ki wakreh heiwa da ku dor leh ki marbaam mardih wa emkaam.
Kamtæ da kyrpaad u ya u montri wow chimkhia ya ini yow lait ki wakreh ka JMB wow chem chitom heijooh i por leh yow ye ki wow e yei chakri cha ki paidbah deiwa biang khamtam ya kitu kiwa em hakhmat dooh wow yaleh pyrchah yaka khlam COVID-19.
Neiliang u montri da kular u wow yarap ha kini ki kajiak wow pynlait yaka tulop wa dang sah.
