U Montri ka chnat Sports and Youth Affairs ka sorkar jylla, u Wailadmiki Shylla hadien i wan sakhi u ya ka 20th Asian Games kawa da pynman ha Aichi-Nagoya, Japan kam chibynta ka Exposure Trip, da lai u wow yachem wa u Montri ka sorkar pyrdi uwa pait ya ka ka Youth Affairs & Sports, u Dr. Mansukh Mandaviya, ha i thaw sah u ha New Delhi deiwa emlang u John Kharshiing, President ka Meghalaya State Olympic Association (MSOA).
Neiliang u Wailadmiki da pyntip u wa ha i yachem wa u Dr. Mansukh Mandaviya da yaklam u wa oo heiyatoh i pynkhreh wa iwa emkaam neibynta ka 39th National Games 2027 ka wow man ha Meghalaya.
Da yaklam hajrong i emkaam ya ka Indian Olympic Association (IOA) wow chna noh ko ya ka Games Technical Conduct Committee (GTCC), neibhah kani u yarap ko ya ka jylla yow pynbait yaki jait yalehke wow pynman wei wow yoh u pynkhreh leh heipor wa biang.
Heijooh i por ong u wa da kyntu u leh ya ka chnat sorkar pyrdi wow e yarap song poisa chooh chooh ko, heiwa neiliang u Dr. Mansukh da paan u ya ki kot ki sla hajrong ini wei da kular u wow pynman yalang wa ki sahep yong ka chnat Sports chirup wa ki dkhot ka Indian Olympic Association (IOA).
Discussion about this post