Yada u Modi yaka NPR deiwa ong wa i pynthymme yaka daw yarap ko wow yoh myntoi ki wa dooh

U Prime Minister ka ri u Narendra Modi da yada u yaka National Population Register (NPR), deiwa ong wa i pynthymme yaka da ki yutip (Update) wa thymme toh yow pyntikna wa kiwa toh hok wow yohmyntoi na ki Scheme sorkar u yoh ki ya iwa toh hok yong ki.

Hapoh Rajya Sabha da ong u wa yaka NPR da leh nyngkong ha u 2010 wei da Update ha u 2015.

ADVERTISEMENT

Da ong u leh wa yaka Census kamjooh yaka NPR toh kiwa jooh leh kam ki kaam ka sorkar kiwa da leh nadooh nachwa tangwa katni syndet syndet da mih i pyrchah.

Da ong u leh iwa da kylli hapoh ka NPR toh iwa yatoh wa i emkaam ka sorkar deiwa e nongmuna wa hawa kylli ya i jait ktien wa klam toh yow tip kam kiwon ki jait skur wow booh ha kiwon kiwon ki thaw.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Ham yah bakla ya ki paidbah,” da ong u yaka liang pyrchah wei ym toh wow pynman kaam Politics ya kani ka kaam deiwa khian i rukom pyrkhat pyrdaiñ.

“Pyrchah ki yaka NPR na ki daw wa khian wa nai iwa man leh pyrchah ya kiwa dooh wa duk,” da ong u deiwa pynrap wa ka sorkar yong oo da pynemkaam ko yaka yutip wa yoh naka NPR wa nachwa yow pynyoh myntoi lyngba ki Scheme ya ki wa dooh.

“I em i yaka NPR yong phi, ym em kiwon kiwon ki tre ri wa chah pynchitom deiwa pynemkaam yaka NPR,” da ong u, deiwa kdaw leh yeiwa ong u Home Minister warim ka sorkar UPA wa yahkhmat daka Congress deiwa pynchlur ya ki tre ri wow chimbynta ki.