U Montri Rangbah ka jylla, u Conrad Sangma hawa e yei jubab hajrong ka ILP hapoh ka yung dorbar ynne ka sngi da ong u wa ym em de da iwi i thmu ka sorkar lait noh wow dawa bait hadooh wa yoh yaka ILP.
Ya ini da ong u hawa jubab yeiwa kylli u MLA ka Mawlai u PT Sawkmie deiwa khana leh wa nadooh wa chim ya ka rai (Resolution) hapoh ka yung dorbar haka 19-12-19 da thoh la le sien cha ka sorkar pyrdi kamjooh deiwa e dorkhat ha u Montri Kaam Pohyung ka ri, u Amit Shah haka 21-01-21 heipor wa wan u cha Shillong.
Kamtæ da ong u wa i yaleh heiyatoh wa ini dang lai i chakhmat yow poi hadooh wa kut.
Neiliang u PT Sawkmie da ong u wa toh u yahlang ya waroh ki 60 ngut ki MLA cha Delhi wei lada yoo ka sorkar yeini daw smat ki wow e ILP.
Da e nongmuna u leh yaka Manipur kawa da phah ya ka Resolution le sien cha ka sorkar chwa wow yoh ILP ki.
Neiliang ong u Conrad da ong u wa daw pyrkhat yeini.
