15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Yahluti ka JYF wow pynneh ya ki skur kam wow pynchlur ya ki khynnah

Advertisement ad1

Ynne ka sngi ka seiñ Jaiñtia Youth Federation-East Jaiñtia Hills (JYF-EJH) kawa man kam kawi na ki seiñ wa kreh monsñiawbha hapoh Ri-loom Jaiñtia da yahluti ko wow e yarap da ki tin wa ki dieñ cha kawi ka LP School wa emkaam yarap bha kawa em ha ka chnong Sushen Dhana, East Jaiñtia Hills kam chibynta wow pynchlur ya ki khynnah wow wan ki cha skur.

Kani ka skur toh kawa pynlai da ki bor chnong lyngba ka School Managing Committee (SMC) wei da em leh kiwa sikai kiwa da yarap ka sorkar.   

Chwa wow ekti ya kini ki tiar cha kiwa pait wa pynlai ya kani ka skur da em ka yalang wa tbian wa pynlai da u J. Pala uwa man leh u President ka JYF-EJH hei emlang u Secretary ka chnong, ka Secretary ka School Managing Committee wa kiwa kitkaam ka chnong. 

Ha kani ka sngi da yoh ya ki kyntien sneiñ kyntu na u B. Chyrmang uwa man kam u Secretary ka JYF-EJH, da ong u wa em chiboon i duna liang wanang wa kynthup ya iwa jæd wa pai ka yung skur, i duna kiwa sikai katkam i em ki Class wei ki khynnah da chitom ki wa kani ka skur da chah ieh bha ko. 

Ka seiñ da ong ko wa neipor cheipor ki montri ka sorkar klam ki wow e mynsien ya ki manbei manpa wow phah skur ya ki khon khang wow yoh yei stat i tip tangwa heini won da man i mar dei kangtleiñ khlem i yoh yarap na ka sorkar, ki MLA wa ki MDC. 

Da yoh leh i klam na u D. Lyngdoh uwa man u Education Secretary ka seiñ uwa da pynsñiaw yei mynsien wa khia hajrong ini, deiwa kyntu ya ka sorkar MDA wow kyruiñ wei wow pait ya kam kini ki skur kiwa emkaam yarap deiwa kyrchaan ya ki khamtam wow pynmiat pynbha ya ki. 

Share this:
Previous

Ym yapai de wow yaklam wa ka sorkar MDA hajrong ka khyrdop ha Umling: Dr. Ampareen

Next

Da toh pynhaap ya uwi u chabi kari ha Iawmusiang, Jowai