15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Ym yapai de wow yaklam wa ka sorkar MDA hajrong ka khyrdop ha Umling: Dr. Ampareen

Advertisement ad1
Advertisement ad1
Advertisement ad1

Kawi na kiwa yahkhmat ka Congress ha Meghalaya kawa man leh ka MLA na East Shillong, ka Dr. Mazel Ampareen Lyngdoh da ong ko wa ka sorkar hap klam che ko hajrong i booh ya ka kyrdop ha Umling, Ribhoi District.

Da ong ko wa sakhiat emkaam wow sonteri næ paitsiar ya ki bru wa wan na cha baar na kani ka thaw tangwa da kylli ko lada kani ka thaw man ko du wow Test COVID ya kiwa wan na baar jylla cha Meghalaya.

Da ong ko wa ha ka Dorbar Mang Tangka yong uni u snem da yaklam hajrong ka Entry Exit Point, wei da kylli ko lada kani ka khyrdop toh wow kynreh ya ki bru kiwa wan na baar jylla namo du kam ka thaw Test COVID, tangwa da yoh jubab wa man ko kam ka Entry Exit Point.

Chooh chooh da ong ko wa heipor wa wai ya kani ka thaw da kmen ki seiñbhalang, katwa katni won da man ko kam ka thaw wow Test COVID donhi.

Da kylli ko leh ya ka yurim wow yaklam wa ka sorkar iwa ym yapai de, neibhah wa da klam dei khlieh dei tdong deiwa pynrap leh yei daw wa hap chna jhan ya ka khyrdop da ki ‘Prefab’ namo kawa da dep leh Welding chwa, wei lada ki seiñbhalang sñiawthooh ki yei klam ka sorkar.

Share this:
Previous

Ym mano ka sorkar ya ki skur palat-sor hanla wan tista ki khynnah ym em won kiwa sikai

Next

Yahluti ka JYF wow pynneh ya ki skur kam wow pynchlur ya ki khynnah